Noverint universi quod nos, Jacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani; per nos et nostros donamus et concedimus vobis, judici, justicie, juratis, alcaldis et toti concilio Turolii presentibus et futuris, imperpetuum, trecentos solidos jacchensis annuatim, habendos et percipiendos de illis trecentos quadraginta solidos jaccenses quos nos recipimus quolibet anno, et recipere consuevimus, im peyta quam homines aldearum Turolii donant quolibet anno.

Ita tamen quod de dicis CCC solidos ematis semper guarnimenta ferrea ad opus equorum vestrorum in defensionem personarum vestrarum et bonorum vestrorum et terre nostre.

Et aliquis de dictis CCC solidos non ponatis vel expendetis nisi in dictis guarnimentis, emendis ut dictum est, et nisi ut dictum est de dictis CCC solidos guarnimenta emeritis, possimus nos et nostri predictos CCC solidos emparare et ad opus nostri recipere et habere.

Datum in Montispesulano, VIIº idus madii anno Domini Mº CCº LXº secundo.

Signum + Jacobi, Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt: [1ª col.] Gaucerandus de Pinos. [2ª col.] R. de Guardia, Gomicius de Podio. [3ª col.] Garcia Ortiz de Açagra, Ato de Focibus.

Sig+num Petri de Capellades, qui mandato domini Regis hec scribi fecit et clausit, loco, die et anno prefixis.