Manifestum sit omnibus quod nos, Jacobus, Dei gratia rex Aragonum et regni Maioricarum, comes Barchinone et Urgelli et domini Montispesulani.

Volentes vobis fidelibus nostris judeis Barchinone et aliis habitantibus in Cathalonia, presentibus et futuris, ea que a nobis et antecessoribus nostris fuit concesse, tam per privilegia quam per usaticos Barchinone tenere firmiter et observare; ideo, cum hac carta concedimus et confirmamus vobis et vestris, quod quandocumque et quocienscumque ab aliqui christiani vel [.... .... ....] vel aliquem vestrum super aliqua demanda [....] vel questio moveatur vel [.... ....] quod non obtineatur in aliquo [....] contra vos nisi probatum fuerit [....] per christianum et per iudeum [....] vos.

Mandantes vicariis, baiulis, curiis, judicibus et nostrum locumtenentibus et subditis universis, presentibus et futuris, quod hanc concessionem et confirmacionem nostram firmam habeant et observent et faciant, ubique firmiter observari, et non contraveniant in aliquo si confidant de nostri gratia vel amore.

Datum Barchinone IIº kalendas octobris anno Domini Mº CCº XXXº VI.

Sig+num Jacobi, Dei gratia regis Aragonum et regni Maioricarum, comitis Barchinone et Urgelli et domini Montispesulani.

Huius rei testes sunt: dominus Nuno Sancii, R. G., dominus Ladro, Eximinus Petri, repositarius Aragonum, Petrus Petri, iusticia Aragonum, dominus Lupus Eximini de Lusia, P. Garces de Roda, P. Ruiç.

Sig+num Guillermi Scribe, qui mandato domini Regis pro domino Berengario, barchinonense episcopo cancellario suo, hoc scribi fecit loco die et anno prefixis.

Lecta fuit Regi.