Noverint universi quod nos Iacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani, per nos et nostros volumus et concedimus vobis, iuratis et concilio cesaraugustanensi, presentibus videlicet futuris, quod donacionem denariorum quam nunc nobis facitis non preiudicet vobis in aliquo, seu instrumentis vel privilegiis vestris, quas et que a nobis vel a predecessoribus nostris habetis, nec valeat preiudicare, sed vobis sit in omnibus ius salvum et nobis et nostris similiter sit salvum ius nostrum.

Datum Cesarauguste, pridie kalendas decembris anno Domini Mº. CCº. LXº. VIIº.