Noverint universi, quod nos Iacobus Dei gratia rex Aragonum, Maioricarum et Valencie, comes Barchinone et Urgelli, et dominus Montispesulani, per nos et omnes nostros successores, gratis et ex bona voluntate et ex certa scientia, absolvimus vos universos et singulos nobiles et richos homines et milites, et cives et clericos et religiosos et quoslibet alios populatores et habentes domos, statica, ortos, reallos, raffallos, alquerías, turres, vineas, hereditates et quaslibet alias possessiones cultas et incultas et in civitate Valencie, et in toto termino eiusdem, et vobis et vestris successoribus imperpetuum, diffinimus condicionem, statutum, pactum et prohibicionem, quam fecerimus, ne aliquis vestrum venderet vel aliter alienaret aliqua de predictis per quinquenium.

Ab omni itaque condicione, pacto et statuto et prohibicione predicta, sitis liberi et ex nunc perpetuo absoluti et libere, possitis vendere et quocumque alio modo volueritis alienare predicta cui et quibus volueritis, vobis et vestris in aliquo minime requisitis.

Itaquod cives non alienent clericis neque religiosis et militibus, et milites non alienent personis religiosis et clericis; illi milites, videlicet, quibus in instrumentis eoreum continetur non alienare clericis et religiosis.

Venditionis tamen et alienaciones, quas infra quinquenium predictum fecistis, laudamus, concedimus et imperpetuum confirmamus, et nos et nostri quoscunque venditores et emptores, predictorum pretextu, causa aut occasione predicti interdicti, pacti aut statuti quinquenii, nunquam possimus convenire vel ipsas res venditas ad nos et nostros racione aliqua vel iure aliquo revocare, nec possimus emptores et venditores aut detentores ipsorum convenire vel inquietare.

Promitimus etiam per nos et nostros pro firmam et legitimam stipulacionem convenimus, in fide domini nostri Ihesu Christi, et in nostra bona fide et legalitate, quod nunquam de cetero soguegiemus nec recognoscamus nec soguegiari nec recognosci aliquatenus faciemus aut permittamus, domos, statica, ortos, reallos, raffallos, alquerías, turres, vineas, hereditates et quaslibet alias possessiones cultas et incultas, quas infra civitatem Valencie et eiusdem civitatis termini habeatis et donetis, et de cetero, quolibet iusto titulo donaciones et concambii, et cuiuslibet alterius contractus ibidem habueritis, vobis et vestris et omnibus personis aliis quibuslibet perpetuum silencium imponimus.

Immo nos et nostri faciemus vos et vestros omnes vestras domos et statica et quicquid pro aucmentis domorum vestrorum datum et consignatum est vobis, et fuerit omnia alia loca et terre, sive loci aut patui spacia que vobis data vel assignata sunt et fuerint a nobis et a nostris divisoribus, loco et nomine domorum vel stabilii aut cellarii, et ortos reallos et raffallos, et alquerías, turres, vineas hereditates et quaslibet alias possessiones vestras, quas nunc habetis et de cetero habueritis, cum omnibus melioramentibus in eisdem factis et faciendis, et cum introitibus et exitibus, affrontacionisbus suis et pertinentiis universis, a celo in abissum, sive impedimento et sive contrario aliquo nostro et nostrorum et cuiuslibet alterius persone, tenere et habere et paciffice possidere in perpetuum.

Datum in Alaguar, VII idus madii anno Domini Mº. CC. XLº. quinto.

Signum Iacobi Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt Eximinus de Thovia, Eximinus Petri de Darocha, Ferrarius Garces de Roda, Carrocius Alaman, Sanccius Lupi de Albero.

Signum Guillelmi scribe, qui de mandato domini Regis hec scripsit loco die et anno prefixis.