Xps.

In Dei nomine et individue Trinitatis.

Ego quidem Ranimirus, Dei gratia rex Aragoni, facio hanc cartam donationis et confirmationis vobis, Calveto.

Placuit mihi libenti animo a meo obtimo corte, et spontanea voluntate, et propter servitium quod mihi fecistis, et cotidie facitis, et quod in antea facere cogitatis, dono et concedo vobis villa quod dicitur Raçaçol, cum totos suos terminos et aquas, et aquarias, montes et valles, heremo et populato, et cum omni qui ibidem ad me regalem pertinet de eius pertinenciis vel debent pertinere, et cum suis directos.

Et hec suprascriptum donativum habeatis et possideatis illud salvum et ingenuum, et liberum et francum et securum, vos et filii vesri vel omnis posteritas vestra. Salva mea fidelitate vel omni posteritate mea.

[Texto posterior intercalado se transcribe al final]

Signum Ranimiri regis +.

Facta carta era M.C.LXX.II, in mense octubris, in civitate que vocatur Cesaraugusta.

Regnante me Dei gratia in Aragoni et Superarbi, sive in Ripacurta.

Episcopus Dodonis in Oscha, episcopus G. in predicta Cesaraugusta, episcopus M. in Tyrassona, comes Ermengaudus in Boleia, comes de Palgars in Boile, vicecomitissa de bearn in Unocastello, Castag in Biel, Fortun Galinç in Ocha, Lop Fertinones in Albero, Fertun Dat in Barbastre, Petro Tizon in Montacut et in Cervera, Johan Dieç in Malonda et in Argedas, Petro Taresa in Borge, Gonçalvo Pereç in Alaon, Lopeç frater Atto Oreila in Calataiub et in Rigla, Lop Sanç in Belchit.

Sunt testes don Enneco capellano, Lop Fertinones de Albero, et illo comité de Urgel.

Et ego Andreo scripto sub iussione domini mihi regis, hanc cartam scripsi et hoc s.+ fe+ci.

[Texto intercalado]: Et ego, Calveth, vobis fratribus Iherosolimitanis Templi Salomonis, dono istum donativum tali modo sicut superius scriptum dedit mihi rex Ranimirus, ita vestrum fiat salvum et liberum per secula cuncta.